變速箱有故障問題

mann48 · 發表於 30-8-2016 17:07:10

小弟部X5忽然彈了句"變速箱有故障", 我攞去車房篤電腦, 車房又話無問題. 但我有點擔心, 是否須要拎去BMW廠CHECK 一CHECK呢? 希望師兄指教.

rf2002 · 發表於 14-9-2016 12:48:29

星期六晚可出來吹吓水喎

Meco · 發表於 30-8-2016 21:19:40

警告燈是否著了一著就熄了再冇著，如果是就不用擔心，呢個情況發生於長命斜踏住腳制長時間慢速，電腦計算波檔速度有錯誤，咪出現呢個警告燈，之後速度回復正常，警告燈會熄滅，車房用過電腦check過冇code就不用膽心

Mark · 發表於 30-8-2016 21:27:54

本帖最後由 Mark 於 30-8-2016 21:32 編輯

你架幾多年車同行咗幾多公里，超過五萬可考慮換波箱油(唔係偈油)，順便睇吓有冇漏

billyvong · 發表於 30-8-2016 21:29:30

我部車也有出現這現象，去車check.也無事，過了半年也冇出現象，如果頻物，行車無力，就是波箱有問題

mann48 · 發表於 31-8-2016 09:47:41

多謝各位師兄指教. 我部係08年車, 行左7萬幾公里, 剛剛換左波箱油, 未換油前無彈呢句字, 換後揸左一日就彈呢句WARMING 啦.
部車彈左呢句字後, 只係覺得一起步時好似反應慢一點, 之後就一切正常. 如果熄匙再開車, 又無乜問題, 因為擔心, 所以來請教一下.

billyvong · 發表於 31-8-2016 13:48:24

你現像就好似我剛買部E46，揸左3年都無事，就是走去換波相油，就出事了，在公路突然冇動力，好彩停車再開冇事，去左車整，

Meco · 發表於 31-8-2016 13:54:25

是不是平常行駛平路也會彈出warning燈？如平常行也會彈出，那就有些問題，換波箱油時有冇換埋波箱個filter及油墊，有冇漏或波箱油不足？

mann48 · 發表於 31-8-2016 18:43:07

我已換埋FILTER及油墊了. 行平路又無彈WARNING字, 上斜比大油就彈. 想返BMW廠CHECK, 但又怕貴. 真煩惱.

bruce · 發表於 31-8-2016 21:38:24

會唔會波箱油問題,我試過手波換完油,1、2波唔暢順。之後換回原廠波箱油,問題解決了。

Mark · 發表於 31-8-2016 21:41:29

mann48 發表於 31-8-2016 09:47
多謝各位師兄指教. 我部係08年車, 行左7萬幾公里, 剛剛換左波箱油, 未換油前無彈呢句字, 換後揸左一日就彈 ...

我有少少懷疑用錯波箱油

Meco · 發表於 31-8-2016 23:35:32

本帖最後由 Meco 於 31-8-2016 23:41 編輯

你是否每次上斜路大腳油都會出"變速箱有故障",，如有這問題，問車房是否用該波箱BMW approved波箱油，及叫車房check下波箱油有否過多或過少。還有很多朋友之BMW換完波箱油都不順，網上有討論車房貪快沒等波箱降溫至40C以下才換波箱油，其實BMW SERVICE MANUEL都講波箱要降溫後才可換波箱油，要搵間相熟車房換。

登錄/註冊後可看大圖

Michael699 · 發表於 31-8-2016 23:51:29

很大機會是用錯波箱油或是入唔夠波箱油，買油最好用車架號對清楚買，寶馬有好幾款波箱油的。很久以前我也試過架S600用錯油搞到要大俢波箱，換了油行左不夠五千公里那些碟就燒了。

mann48 · 發表於 1-9-2016 14:33:24

感激各位師兄寶貴議見, 我睇過張車房收據, 叩寫住"原廠波箱油". 我去再問一問車廠究竟入左什麼牌子波箱油先. 感激不盡.

Mark · 發表於 2-9-2016 18:23:10

如果冇特別原因就洗返寶馬廠，佢知你係出面攪過波箱唔會同你整，肯整都斬到你一頸血

mann48 · 發表於 7-9-2016 14:47:39

由於唔放心, 我又拎部車去車房CHECK, 佢又話無事, 但上星期亦揸時, 架車忽然跪低左, 連皮帶都斷埋, 要搵拖車拖架車返車房. 佢跟手先肯介紹另一間車房比我, 一CHECK之下, 冧左泳箱, 整要件18,000. 今次真係傷.

Meco · 發表於 7-9-2016 17:03:07

本帖最後由 Meco 於 8-9-2016 22:33 編輯

跪低是因斷皮帶，點解冧波箱呀，其實經常著燈插電腦就知甚麼問題，點解你之前車房話無事，是否有插電腦睇?依家車房講冧波箱，在未跪低前有否著紅色波箱燈?有冇亮保護燈之後只能三檔起步或有沒有跳波情況?依家車房話電腦出甚麼code?有沒有冧波箱這麼嚴重？有師兄試過著了紅色波箱燈及保護模式只能三檔起步，之後換回正廠波箱油便正常。

登錄/註冊後可看大圖

mann48 · 發表於 7-9-2016 17:25:26

我都唔知點解冧波箱, 出WARNING後我已經立即搵車房佬睇, 見佢插電腦睇, 又話一切正常, 乜都無顯示. 跟手我再揸, 一踩上70KMP後, 波箱好似唔識轉波, 轉速錶直上5000轉唔落, 慢車先落返4000轉, 可能就係因為呢個原因, 扯斷左條皮帶同打穿左條喉啦. 我試過停低後再比油, 架車立即扯詆000轉, 之後KEEP住 2000-3000轉慢車. 唉! 真係灰爆.

Meco · 發表於 7-9-2016 18:14:34

so bad.......但波箱壞，一定唔會扯斷皮帶，同埋你當時都係5000轉，不過紅區，同時拖車係唔係拖尾，頭轆落地

mann48 · 發表於 8-9-2016 18:57:15

我都唔明點解會斷, 連條水喉都爛埋. 唔係呀, 成架升起拖走呀.

Mark · 發表於 8-9-2016 22:04:54

雖然唔係我架車，但見師兄架車攪成咁我都

Meco · 發表於 8-9-2016 22:44:07

本帖最後由 Meco 於 8-9-2016 22:45 編輯

mann48 發表於 8-9-2016 18:57
我都唔明點解會斷, 連條水喉都爛埋. 唔係呀, 成架升起拖走呀.

我上面打錯，個師兄係換咗正廠波箱油就正常。皮帶斷,可能皮帶早有裂紋，加上高轉就斷。但我覺修理波箱要18000就貴了些，真的這麼嚴重，去多幾間問問?

eddie-308 · 發表於 10-9-2016 20:17:19

波箱問題
1,先前的車房應該冇正式用電腦check code
2,可能入錯波箱油
3,或者入唔夠波箱油
4,更換波箱油後冇做波箱油壓壓力重置

mann48 · 發表於 12-9-2016 14:31:33

我已經換左波箱了. 我問換波箱個師父係咪入錯波箱油或唔夠油而導致消波箱, 佢又話唔係, 只係話架車有7年了, 消波箱都唔出奇. 真係吹脹. 而家換完架車爽返好多, 希望唔好再有問題啦. 真係好肉亦呀.

garyleung07 · 發表於 24-9-2016 21:01:50

除非係原廠, 小弟每次俾車房整車都會係附近等, 時不時check 下整成点, 好花時間, 不過未試過越整越大劑. 就算同車房熟哂, 我都盡量唔擺過夜.

alecela · 發表於 4-2-2018 13:09:09

本帖最後由 alecela 於 4-2-2018 13:29 編輯

mann48 你架車做波箱維修後行得好嗎？如好的話可以介紹邊間車房嗎？

alecela · 發表於 4-2-2018 13:23:35

本帖最後由 alecela 於 4-2-2018 13:29 編輯

我架 08 3.0 昨晚都出左跟你一樣的 warning. 之前發現由低速慢慢加速時會有不順，估計是其中一碟己開始滑，可能波箱差不多了。行左 123k km, 波箱油 2013 換波箱電腦時換的。

alecela · 發表於 4-2-2018 13:42:32

Meco 版主大哥，我架 08 x5 3.0 波箱都開始出問題了，有什麼好車房介紹? 謝謝

		自動登錄	找回密碼
密碼			立即註冊