E46死火問題

Eddieko

各位師兄，小弟架e46 98年出廠 323i 2500cc 直六引擎
話說有一日係大埔飛出九龍，之後係旺角塞車時突然死火，搭左3-4次先著返車，之後一路行架車就無乜力，就算地板油轉數都上吾到，keep住2000-2500轉，但係有陣時又好似平時咁爽，之後幾日揸都係一時時上吾到轉，凍車一搭就著，熱車要搭耐d先著，今日試過拆個風箱出泥睇下個蝴蝶掩，結果好乾淨無乜污糟野，風格都吾係太污糟，之後試P波比油，2000，3000轉上，跟住一放開油門轉數一跌就死火，試左幾次平均三次就有一次會死火，跟手慢車行4-5米左右又死火，搭返著又要搭耐少少先著，之前發現入風落風箱果條膠喉有少少穿左，我用膠紙封左，但係都係一樣，比油反應好慢。
所以想請教各位師兄有無遇過依個問題，又或者有咩建議or方法可以解決依個問題!!!
偈油換左1個月左右，係油站換ge

Meco

入風喉有穿，如在風隔前影響不大。你車電池電壓是否正常？但電壓不足會着燈及不會突然死火，大机會是汽油幫泵打柴，該泵通常行十幾萬公里就壞，如換泵時隨便換埋電油隔

Eddieko

Meco 發表於 7-12-2016 08:31
入風喉有穿，如在風隔前影響不大。你車電池電壓是否正常？但電壓不足會着燈及不會突然死火，大机會是汽油幫 ...

聽落好似係禾，我架車都成13萬幾公里，師兄知吾知換果舊野大約要幾錢左右？

Meco

Eddieko 發表於 7-12-2016 09:38
聽落好似係禾，我架車都成13萬幾公里，師兄知吾知換果舊野大約要幾錢左右？ ...

換汽油泵人工包料約二千，要快換，個泵隨時打柴，到時又要搵拖車

Eddieko

Meco 發表於 7-12-2016 18:13
換汽油泵人工包料約二千，要快換，個泵隨時打柴，到時又要搵拖車

打左去德國問原裝$2020 OEM$760
但係吾肯定係咪油泵問題，因為工作關係未有時間落車房 check