請問車頭冒小量白煙，係咩問題？謝謝！

Kaceychan0909

各位師兄，師姐，大家好。
小妹想請教大家車頭冒小量白煙係咩事，我既車係e90。頭先反屋企途中，在紅綠燈前停低，突然有小量既白煙係司機位前車頭蓋下出現，我立即泊埋一邊，當我停低仲有小小異味同小量白煙，所以即刻熄車，一打開車頭，d煙同味好快就散哂，過了30-45分鐘，我再開車已經無白煙同異味。我行左10分鐘再回到停車場，直到我泊車既時候，小小既異味又出現但無白煙...心裏好擔心馬兒。
大家可唔可以話我知係咩事？謝謝！
Ps 出車前已check水同偈油係無問題 同埋當時我停下來我無打開水箱，因為好熱。

Meco

引擎頂殼之封口漏油，當行完高速高轉數時，偈油在引擎頂殼之封口漏出，漏於死氣喉上，如行車十分鐘以上，死氣喉溫度會很高，當偈油滴於死氣喉上，立即霧化，便有白煙，及有燒偈油氣味，換了引擎頂殼之封口就唔漏，修理費亦不高

登錄/註冊後可看大圖